旅游 美食

     响食店如云嘅天后返工，大家可能会觉得兔比好有口福，不过兔比人太懒绝少发掘咩美食，不过有两间小店系初到贵境就已经列入揾食名单之中！
    15+J Roaster
 

    位于天后英皇道25号景星中心地下嘅小小cafe招牌菜系烤鸡，另外仲有烧猪肋骨、意粉、pizza、三文治、蛋糕同咖啡，选择不多，但胜在地方企理干净，而且坐得唔逼，有埋wifi大可叹住咖啡消磨一个下昼。

   
       烤鸡有咩咁好食呢？由于系即叫即烤，外皮烧到脆卜卜，肉仲好juicy绝唔会干争争，腌得相当入味，唔止外皮连入面都有浓浓香草味，正！(๑╹ڡ╹) 即制等候时间当然会耐D，约15-20分钟，可拣鸡全腿或半只份量配埋日式胡麻酱、餐汤、薯角同沙律，半只份量颇多，以往有1/4只宜家只有鸡全腿，一个人order鸡全腿好了~

自家Salad dressing系raspberry汁，甜甜的蛮开胃配蔬菜别有一番清新滋味~

    餐汤试过好几款材料的确十足，但都系香料味道过重遮盖左食材本身味道

  意粉酱汁味道好浓郁，意粉质感唔会过淋，几有水平~ 最近试左蕃茄海鲜意粉酱汁超yummy，而且非常足料~ （发现原来无影相呢 =v="）

 DeliDeli Delicious Deli Delivery

    位于天后永兴街13A，主力做外送同take away，不过都有一两个堂食位。第一眼系被鲜黄拼黑色型格装潢吸引走近望望，打开传单一睇价钱又几相宜，$28起一个餐响高消费嘅铜锣湾区仲可以有几多选择，即管一试

  $28 Pizza set有一个mini pizza加沙律或汤同汽水系兔比最常order，另有$34 pasta set但并唔建议试，因为意粉实在太差，试左一次已经觉得免了

    全店Pizza都换上独家首创全麦批底，估唔到小店都蛮有创意，口感比起普通批底更富咬口更香材料够多，最重要系烤到批底脆口但唔会过硬，又保持到上面材料唔干巴巴，比起芝脆鸡出品水平高好多！

  以上都系mini pizza，不过size大过手掌唔算太mini，如果大食一族作afternoon tea都唔错。当然佢地有正常size pizza，仲有到会大大盘派对小食~ 传单可以http://www.delideli.com.hk下载

15+J Roaster
地址： 天后英皇道25号景星中心地下1号舖
地区： 天后
电话： (852) 2508 0331
分类： 西式
价格： 每人$40以下