旅游 攻略

观塘区两个大型打卡灯饰装置9月14日起喺观塘市中心裕民坊自由空间正式亮灯喇！

民政及青年事务局局长麦美娟、民政总署署长张赵凯渝、中联办九龙工作部社工处处长二级巡视员吴小玔、观塘民政专员何立基、观塘各界庆祝中华人民共和国成立75周年筹委会主席詹汉钦、观塘区青年社区建设委员会主席张琪腾及市区重建局执行董事区俊豪莅临主持亮灯仪式。

随住嘉宾拉动亮灯装置，经过精心设计嘅两座色彩斑斓嘅灯饰随即照亮观塘，为观塘区添上缤纷姿彩️。

第一组灯饰系由「KWUN TONG」立体字组成，市民从装置嘅正面或上空以不同角度观赏，都会睇到「KWUN TONG」字样。每个字母均以不同嘅鲜明色彩显示，带出欢乐气息，同时散发无限活力，展现观塘区多採多姿嘅立体多元性。

另一幅大型灯画就描绘左观塘集体回忆及独有地标，包括裕民坊旧地标、观塘道架空铁路、鲤鱼门牌坊及观塘海滨等；亦加入庆祝国庆75周年及中秋嘅设计元素。设计概念源自观塘社区，畀市民感受观塘今昔嘅独特魅力。

灯饰设计会展示至2025年初，开放时间为上午11时至下午11时，亮灯时间则为每晚6时至11时。趁住中秋佳节，快啲约埋亲朋好友嚟到观塘市中心裕民坊，一齐欣赏两座充满观塘特色嘅灯饰装置，打卡留念，感受节日喜悦。

记得扫埋以下「观塘有乐 Joy to Kwun Tong」QR Code，用观塘大型灯饰主题嘅IG Filter嚟影相同分享相片，畀更多人感受到观塘嘅独有魅力！